شعبية   |   تاريخ   |   ا-ي
معلومات كلمات المعجبين

نعمان الحلو

المغرب

راضية

كلاسيكية

2011

Yala

  • العربية

رحمة

بنيتة صغيرة بنيتة صغيرة
اشحال زوينة اشحال زوينة
مريضة مسكينة شوفو فيها لله
ياقلوب الرحمة اسميتها رحمة

فعمرها خمس سنين وكتفتن بالزين
بحال الشمس يلا ضحكت من وراالغيام
وبحال القمرة فالظلمة
اسميتها رحمة

مشيت نشوفها واحد لعشيا
وجبت لها فيدي هدية
مشيت نشوفها واحد لعشيا
وجبت لها فيدي هدية

فرحات ضحكات
لعبت شي شوية
وخلات الهدية
وشافت فيا شوفة
ما نعرفش نوصفها قوية قوية
بغات تشكي بغات تحكي
وماعرفاتش وبدات تبكي

قطعات لي قلبي قلبي
ولا باقي عرفت نخبي نخب
دمعة نزلت من عيني
بغيت نصرخ بغيت نغني
صوتي تبح وهرب مني
ولكلام مشا ليا

مسحت دموعي وشفت فرحمة
وضحكت وهي تضحك ليا

اسميتها رحمة
فعمرها خمس سنين
وكتفتن بالزين
مريضة مسكينة
عندها داك لمرض
يحفضكم الرحمان
داءالسرطان
داءالسرطان
داءالسرطان

اعلاش نخليوا
رحمة تموت ونتخبا
من ورا الصمت
من ورا السكوت
اعلاش نخليوا
رحمة تموت ونتخبا
من ورا الصمت
من ورا السكوت

إلا شبكنا يدينا
وكل واحد فينا
فكر بالصح وبالنية
فهاد البنية
وحن وتأثر وبكى
غير شي شوية

تبرى رحمة تبرى رحمة
وتعود البسمة فعينيها
وعينيك وعينيا ونرسمو لوحة
بلون الفرحة على جبين الإنسانية

اسميتها رحمة

63 معجبين أحبُّوا هذه الأغنتة

فنانون من نفس النمط
Google+

إضافةXأغاني
Loading...